У магілёўскім Музеі этнаграфіі адкрылася выстава-прэзентацыя фотаальбому «Горад, які быў». На выставе і ў фотаальбоме магілёўскія фатографы паспрабавалі аднавіць візуальную памяць пра Магілёў – якім ён быў, як змяняўся, як успрымалі сам горад і яго змены жыхары. У кнізе сабраны ўспаміны магілёўцаў пра той час і горад, пра свае адчуванні і думкі, пранесеныя праз гады і адрэфлексаваныя ў сучаснасці. Аўтар ідэі і ўкладальнік фота кнігі – Аляксандр Ліцін, а ўсяго ў выданні сабраныя фотаздымкі, успаміны і разважанні прыкладна трыццаці аўтараў.